हरीमायाँ मगर:
हरीमायाँ मगर जिल्ला भक्तपुर जगातेमा बसोबास गर्नुहुने तर पाइल्सको स्वास्थ्य खराबीले क्यान्सर भई स्वास्थ्योपचार गर्दागर्दै पनि सुधार हुननसकी लामो समयदेखि बिस्तारामा पर्नुभयो । सौचगर्न जान नसक्ने, सुतेको ठाउँमा कोल्टो फेर्न समेत नसक्ने, धेरै वर्षसम्म बिस्तारामा सुतेकोसुत्यै हुँदा बिस्तारापट्टिको शरीरको भागहरुमा घाउ बनेर सुत्नै पनि नसक्ने अवस्थाबाट गुज्रनुभएको थियो । रोगको पीडाले निकै नै सकस भोग्नुपरिरहेको थियो ।
परिवारजनले उहाँको स्वास्थ्य उपचार र हेरचाहमा पूरा ध्यान दिने प्रयास गरिरहेकै भएतापनि निजको लागि त्यो ज्यादै पीडादायक दीर्घरोग बनेकोले हालत कष्टपूणर् थियो । निजकै खातिर आर्थिक भार परेकोले परिवार पनि आर्थिक रुपमा संकटमा थियो । औषधि सेवन गर्न केही सहायता पुग्नसकोस् भनेर एवेनेजर ट्रष्टले मानवीय रुपमा मितिः २०८० माघमा मानवीय आर्थिक सहायता प्रदान गर्यो ।
तर दुःखको कुरा त्यसै स्वास्थ्य जटिलताको कारण निजको मृत्यु भयो ।