गणेश बहादुर तामाङलाईः
गणेश बहादुर तामाङ जिल्ला ओखलढुङ्गा स्थायी ठेगाना भई मकवानपुर जिल्लाको हेटौँडामा श्रीमतिको साथमा डेरामा बसोबास गर्नुहुन्छ । उहाँ यस एवेनेजर ट्रष्ट स्थापना गर्नमा सहभागी फाउण्डर तथा सञ्चालन बोर्डका सदस्यमध्येमा एक पनि हुनुहुन्छ । साह्रै दुःखमा परेकाहरुलाई राहात स्वरुप सहायता उपलब्ध गराउने पवित्र कार्यमा हातेमालो गर्न प्रयास गर्ने भन्ने मानवीय सेवाको उद्देश्य आत्मासाथ गरेको ब्यक्ति उहाँ स्वयम् केही वर्षहरु अगाडीदेखि उहाँलाई विभिन्न स्वास्थ्य समस्याहरु आउनथालेपछि उपचारको खोजिमा लाग्न थाल्नुभयो । एकपछि अर्को समस्या देखापर्न थाले । पछि दाहिनेपट्टीको गालामा मासुको पोका उठ्ने र दुखाई बढ्ने हुनथाल्यो । घाँटीदेखि पेटभित्रसम्मै दुखाई हुनथाल्यो । समस्याको पहिचान गर्न परीक्षणहरु गर्नको लागि काठमाण्डाँैं आउनुपर्यो ।
सिभिल हस्पिटल हुँदै ललितपुर जिल्लाको बाँडेगाउँ स्थित अर्बूदरोग उपचार अस्पतालसम्म पुगेर डाक्टरका सल्लाह मुताबिक परीक्षणहरु गर्दैजाँदा अर्बूद (क्यान्सर)को समस्या भएको यकिन भएकोले चिकित्सकको सल्लाह अनुसार अप्रेशन गराउनुपर्ने भएको तर यस अघिको उपचारका क्रममा धेरै खर्च भएर निजको पारिवारिक आर्थिक अवस्था कमजोर भएको हुँदा अप्रेशनका बखत उपचार खर्चको लागि एवेनेजर ट्रष्टबाट मानवीय उपकार हेतु मितिः २०८१ पौष महिनामा निजलाई केही आर्थिक सहायता प्रदान गरियो । जसबाट बेलैमा अप्रेशन उपचार भई निजलाई स्वास्थ्यलाभ पनि भयो ।